Qog‘oz va plastik sarfini kamaytirish bo‘yicha tushuntirish ishlari olib borildi
Termiz davlat pedagogika institutida qog‘oz va plastik sarfini kamaytirish, resurslardan oqilona foydalanish hamda mas’uliyatli iste’mol madaniyatini kuchaytirish bo‘yicha talabalar va xodimlar uchun tushuntirish ishlari olib borildi.
Tadbirda qog‘ozdan ikki tomonlama foydalanish, ortiqcha chop etish va kserokopiya qilishni kamaytirish, elektron hujjat aylanishi, HEMIS orqali o‘quv ishlarini elektron topshirish, AKBT elektron kutubxonasi va QR-kodli kitob resurslaridan foydalanish masalalari yoritildi. Shuningdek, bir martalik plastik buyumlardan foydalanishni kamaytirish, plastik butilka va qadoqlash materiallarini alohida yig‘ish bo‘yicha tavsiyalar berildi.
Ishtirokchilarga qog‘oz va plastik chiqindilarni kamaytirish faqat chiqindini yig‘ish bilan cheklanmasligi, balki chiqindi hosil bo‘lishidan oldin ortiqcha iste’molni kamaytirish zarurligi tushuntirildi. Seminar davomida talabalarga elektron resurslardan foydalanish, o‘quv materiallarini keraksiz chop etmaslik, qayta foydalaniladigan buyumlardan foydalanish va kampusda ekologik madaniyatni mustahkamlash bo‘yicha amaliy ko‘rsatmalar berildi.
Ushbu tadbir institutda amalga oshirilayotgan “Kitoblardan qayta foydalanish va qog‘ozni tejash dasturi” hamda qog‘oz-plastik chiqindilarni kamaytirish bo‘yicha ichki amaliyotlarni qo‘llab-quvvatlaydi.