Poligon atrofida Institut volontyor yoshlari bilan aksiya tashkil etildi.
Ma’lumki respublikamiz hududlarida kuzatilgan kuchli shamol oqibatida ayrim chiqindi poligonlarini o‘rab turgan profnastil va sim panjara devorlarning ma’lum qismlariga zarar yetgan. Natijada poligon hududidagi yengil chiqindilarning yon-atrof hududlarga uchib, tarqalish holati kuzatildi. Ushbu holat hamda poligon atrofidagi belgilanmagan joyga tashlab ketilgan chiqindilarni bartaraf etish maqsadida Institut yoshlar birlashmasi tomonidan chiqindi poligonlari atrofiga tarqalgan chiqindilarni yig‘ib olish bo‘yicha amaliy chora-tadbirlar olib borildi.
Jumladan, Termiz tumanida ekofaol talabalar ishtirokida navbatdagi ekologik plogging aksiyasi tashkil etildi. Aksiyada hudud chiqindilardan tozalanib, bartaraf etildi. Bu kabi chora-tadbirlar atrof-muhit musaffoligini saqlash hamda ekologik madaniyatni yuksaltirishi bilan ahamiyatlidir.