Qog‘ozdan oqilona foydalanish amaliyoti yo‘lga qo‘yildi
Termiz davlat pedagogika institutida ish yuritish jarayonlarida qog‘oz resurslaridan oqilona foydalanish, ortiqcha chop etishning oldini olish hamda elektron hujjatlardan foydalanish madaniyatini kuchaytirishga qaratilgan amaliy ishlar olib borilmoqda.
Institutning ishchi xonalarida printer va nusxa ko‘chirish qurilmalari yoniga “Qog‘ozni tejang!” mazmunidagi eslatmalar joylashtirildi. Ushbu eslatmalar xodimlarni hujjatlarni faqat zarur hollarda chop etish, imkon qadar elektron hujjatlardan foydalanish, ikki tomonlama chop etish va ortiqcha nusxa chiqarishdan saqlanishga undaydi.
Mazkur amaliyot qog‘oz sarfini kamaytirish, ish yuritishda resurslardan tejamkor foydalanish va mas’uliyatli boshqaruv madaniyatini rivojlantirishga xizmat qiladi. Institutda hujjat aylanishini bosqichma-bosqich raqamlashtirish, nazoratli chop etish va ikki tomonlama bosma amaliyotini kengaytirish bo‘yicha ishlar davom ettirilmoqda.