Kampus hududida obodonlashtirish va tozalash ishlari olib borildi
Termiz davlat pedagogika institutida kampus hududining sanitariya holatini yaxshilash, yashil maydonlarni parvarish qilish va ekologik madaniyatni mustahkamlashga qaratilgan obodonlashtirish ishlari muntazam amalga oshirilmoqda.
Institut hududida daraxtlar, gulzorlar va yashil maydonlar atrofi begona o‘tlar, qurigan shox-shabba va o‘simlik qoldiqlaridan tozalandi. Jarayonda talabalar va mas’ul xodimlar ishtirok etib, kampusning ozoda, xavfsiz va qulay muhitini saqlashga hissa qo‘shdilar.
Bunday amaliy ishlar yashil hududlarni saqlash, ekologik mas’uliyatni oshirish, o‘quv binolari atrofida sog‘lom va tartibli muhit yaratish hamda talabalar orasida atrof-muhitga ehtiyotkor munosabatni shakllantirishga xizmat qiladi.