O'zbekiston bo'ylab sayohat
Termiz davlat pedagogika instituti rektori A.Xasanov tashabbusi bilan amalga oshirilayotgan “O‘zbekiston bo‘ylab sayohat” dasturi doirasida institut talabalari Toshkent shahrida joylashgan “O‘zbekiston prokuraturasi tarixi muzeyi”ga tashrif buyurishdi.
Tashrif davomida talaba-yoshlar muzeydagi tarixiy hujjatlar, arxiv materiallari hamda prokuratura tizimi faoliyatini yorituvchi eksponatlar bilan yaqindan tanishdilar. Shuningdek, ularga mamlakatimizda qonun ustuvorligini ta’minlash, inson huquq va manfaatlarini himoya qilish hamda adolat tizimini rivojlantirish borasida amalga oshirilayotgan islohotlar haqida batafsil ma’lumot berildi.
Sayohat davomida talabalar muzey ekspozitsiyalarida aks etgan tarixiy jarayonlar, prokuratura organlarining shakllanish bosqichlari hamda tizim faoliyatining bugungi zamonaviy yo‘nalishlari bilan ham yaqindan tanishish imkoniga ega bo‘ldilar.
Mazkur tashrif talabalarning huquqiy bilim va dunyoqarashini kengaytirish, ularda qonunlarga hurmat, fuqarolik mas’uliyati hamda vatanparvarlik tuyg‘ularini yanada mustahkamlashga xizmat qildi.