Xalqaro hamkorlik aloqalari yangi bosqichda
2026-yil 22-may kuni Termiz davlat pedagogika instituti rektori A.Xasanov hamda Xotin-qizlar maslahat kengashi raisi S.Tursunova Xitoy Xalq Respublikasining Shannxi normal universiteti rahbariyati bilan rasmiy hamkorlik muzokaralarini olib bordilar.
Uchrashuv davomida bakalavriat, magistratura, ilmiy tadqiqot faoliyati hamda talabalar almashinuvi dasturlarini rivojlantirish masalalari muhokama qilinib, istiqbolli hamkorlik bo‘yicha o‘zaro kelishuvlarga erishildi.
Muzokaralarda Shannxi normal universiteti prezidenti Chen Sinbin, universitet vitse-prezidenti Ren Syaovey, Xalqaro aloqalar bo‘limi direktor o‘rinbosari Li Juan, Xitoy tili va adabiyoti maktabi dekan o‘rinbosari Li Shengjen hamda Kimyo va kimyoviy muhandislik maktabi dekan o‘rinbosari Chjay Chuanguo ishtirok etdilar.
Mazkur uchrashuv Termiz davlat pedagogika institutining xalqaro hamkorlik aloqalarini kengaytirish, xorijiy oliy ta’lim muassasalari bilan akademik integratsiyani mustahkamlash hamda ta’lim va ilm-fan sohasida yangi istiqbolli loyihalarni amalga oshirishda muhim ahamiyat kasb etadi.