Rektor A.Xasanov xorijlik professor-o'qituvchilar bilan uchrashuv o'tkazdi

Termiz davlat pedagogika instituti rektori A.Xasanov xorijlik professor-o'qituvchilar bilan uchrashuv o‘tkazdi. Uchrashuv davomida ta’lim va ilm-fan sohasidagi hamkorlikni yangi bosqichga olib chiqishga qaratilgan istiqbolli tashabbuslar muhokama qilindi.

Muloqot jarayonida qo‘shma xalqaro konferensiyalar tashkil etish, Scopus bazasidagi nufuzli ilmiy jurnallarda hamkorlikda maqolalar chop etish, bitiruvchi talabalarga ilmiy rahbarlik qilish hamda xorijiy tillarni rivojlantirishga qaratilgan workshop va amaliy seminarlarni muntazam tashkil etish bo‘yicha muhim kelishuvlarga erishildi.

Mazkur hamkorlik institutda ilmiy salohiyatni oshirish, xalqaro tajribalarni keng joriy etish hamda professor-o‘qituvchilar va talabalar uchun yangi akademik imkoniyatlar yaratishda muhim ahamiyat kasb etadi.