Virtual laboratoriyalardan foydalanish imkoniyati yaratildi
Termiz davlat pedagogika institutida Biologiya ta’lim yo‘nalishi talabalari uchun pedagogik mahorat markazidagi virtual laboratoriyalardan foydalanish imkoniyati yaratildi
Mazkur amaliy mashg‘ulotlar davomida talabalar biologiya faniga oid nazariy bilimlarini virtual laboratoriyalar orqali amaliyot bilan uyg‘unlashtirish imkoniyatiga ega bo‘lmoqda. Xususan, laboratoriya mashg‘ulotlari orqali biologik jarayonlarni zamonaviy texnologiyalar asosida kuzatish, tajribalarni mustaqil bajarish, tahlil qilish hamda olingan natijalar yuzasidan ilmiy xulosalar chiqarish ko‘nikmalari shakllanmoqda.
Shuningdek, virtual laboratoriyalar talabalarning mustaqil ishlash, kreativ va tanqidiy fikrlash, muammoli vaziyatlarga yechim topish hamda axborot-kommunikatsiya texnologiyalaridan samarali foydalanish kompetensiyalarini rivojlantirishga xizmat qilmoqda.
Aytish mumkinki, bunday amaliy mashg‘ulotlar talabalarning biologiya faniga bo‘lgan qiziqishini yanada oshirib, ularning ilmiy-tadqiqot faoliyatiga bo‘lgan intilishini kuchaytirishga xizmat qiladi.