TerDPI da talabalar amaliyoti davom etmoqda

Shu kunlarda Kimyo yo‘nalishi 1-kurs talabalari Termiz shahridagi yirik ishlab chiqarish va xizmat ko‘rsatish korxonalarida o‘quv-tanishuv amaliyotlarini olib bormoqda. Jumladan, talabalar “Surxon Sanoat-Ta’minoti” MCHJ, “Surxon Termiz Chinni” MChJ, “Surxondaryo suv ta’minoti” AJ, “Surxondaryo donmahsulotlari” AJ, “Surxondaryo viloyati Sanitariya-epidemiologik osoyishtalik va jamoat salomatligi boshqarmasi” hamda “Surxondaryo viloyati Ekologiya, atrof-muhitni muhofaza qilish va iqlim o‘zgarishi boshqarmasi”da amaliy bilim va ko‘nikmalarini mustahkamlashmoqda.

Shuningdek, 2-bosqich talabalari Qashqadaryo viloyatidagi yirik sanoat korxonalaridan biri hisoblangan “Sho‘rtan gaz-kimyo majmuasi” MChJda ishlab chiqarish malakaviy amaliyotini o‘tashmoqda.

Aytish mumkinki, mazkur amaliyot jarayonlari talabalarning kasbiy kompetensiyalarini rivojlantirish, ishlab chiqarish muhiti bilan yaqindan tanishtirish hamda kelgusidagi pedagogik va ilmiy faoliyatlari uchun muhim tajriba maktabi bo‘lib xizmat qiladi.