Akademik litsey faoliyatini takomillashtirish masalalari muhokama qilindi

Bugun Termiz davlat pedagogika instituti rektori A.Xasanov institut qoshidagi Akademik litseyda bo‘lib, ta’lim jarayonlari va tashkiliy faoliyat samaradorligini oshirishga bag‘ishlangan yig‘ilish o‘tkazdi.

Dastlab yig‘ilishda Akademik litsey faoliyatini kompleks o‘rganish natijalari yuzasidan mas’ullarning hisobotlari tinglandi. So'ng, o'quv jarayonini yanada takomillashtirish, ta’lim sifati va samaradorligini oshirish bo‘yicha muhim taklif va tavsiyalar bildirildi.

Shuningdek, Akademik litseyni institutning Termiz shahrida joylashgan “Maktabgacha va boshlang‘ich ta’lim” fakulteti binosiga bosqichma-bosqich ko‘chirish, 2026–2027-o‘quv yili qabul jarayonlariga puxta tayyorgarlik ko‘rish masalalari muhokama qilinib, mutasaddilarga tegishli topshiriqlar berildi.