Ajdodlar xotirasi yod etildi

Bugun erta tongda Termiz shahridagi Xotira maydonida 9-may — Xotira va qadrlash kuni munosabati bilan tantanali marosim bo‘lib o‘tdi .

Unda Surxondaryo viloyati hokimi Ulug‘bek Qosimov boshchiligida huquqni muhofaza qiluvchi organlar, davlat va jamoat tashkilotlari vakillari, mehnat va urush faxriylari bilan bir qatorda Termiz davlat pedagogika instituti rahbariyati ham ishtirok etishdi.

Marosim davomida Motamsaro Ona haykali poyiga gulchambar qo‘yilib, Vatanimiz ozodligi, xalqimiz osoyishtaligi yo‘lida jon fido qilgan yurtdoshlarimiz xotirasiga yuksak hurmat bajo keltirildi.