Kelajak markazi
Bitiruvchi talabalar bandligini ta’minlashga bag‘ishlangan seminar tashkil etildi
Maktab maslahatchisi lavozimi bo‘yicha targ‘ibot seminari
Termiz davlat pedagogika institutida bitiruvchi talabalar bandligini ta’minlash hamda yosh mutaxassislarni yangi ish o‘rinlariga yo‘naltirish maqsadida viloyat “Kelajak markazi” xodimlari tomonidan maktab maslahatchisi lavozimini targ‘ib qilishga bag‘ishlangan seminar tashkil etildi.
Seminar davomida
Ishtirokchilarga maktab maslahatchisi lavozimining mazmun-mohiyati, ushbu yo‘nalishdagi mehnat faoliyati, yoshlar bilan ishlash tizimi hamda kasbiy rivojlanish imkoniyatlari haqida batafsil ma’lumotlar berildi.
Shuningdek, bitiruvchilarga mazkur lavozimning jamiyatdagi o‘rni, ta’lim muassasalarida ma’naviy-ma’rifiy muhitni mustahkamlashdagi ahamiyati hamda yoshlarga ko‘rsatiladigan amaliy yordam turlari haqida tushunchalar berildi.
Uchrashuv ishtirokchilari
- Institut Talabalar amaliyoti bo‘limi boshlig‘i T. Shokirov
- Viloyat “Kelajak markazi” direktorining o‘quv ishlari bo‘yicha o‘rinbosari I. Jo‘rayev
- Maktab maslahatchilari faoliyatini muvofiqlashtirish bo‘limi boshlig‘i Sh. Pardayev
Seminar davomida mutaxassislar talabalarni qiziqtirgan savollarga atroflicha javob berdilar.
Yoshlar uchun imkoniyatlar
Mutaxassislar tomonidan ushbu yo‘nalishda faoliyat yuritish istagidagi yoshlar uchun yaratilayotgan imkoniyatlar, tanlov bosqichlari hamda kelgusidagi kasbiy istiqbollar haqida ham ma’lumotlar taqdim etildi.
Mazkur seminar yoshlarning bandligini ta’minlash, ularni kasbga yo‘naltirish hamda zamonaviy mehnat bozori talablariga mos mutaxassis sifatida shakllanishida muhim ahamiyat kasb etmoqda.
Muhim e’lon
Ayni paytda maktab maslahatchisi lavozimi uchun tanlovning ikkinchi mavsumiga start berilgan.
Arizalarni tanlov.uzedu.uz platformasi orqali yuborishingiz mumkin.