Deputat va fuqaro uchrashuvi

Surxondaryo viloyati Kengashi deputati A.Xasanov tomonidan Sho‘rchi tumani Guliston, Konabot va Tolli mahallalari aholisi bilan navbatdagi uchrashuv o‘tkazildi.

Uchrashuv avvalida deputat o‘tgan galgi uchrashuvlarda ko‘tarilgan muammolar tahliliga to‘xtalib, ularning ijrosi yuzasidan amalga oshirilgan ishlar haqida ma’lumot berdi.

Muloqot davomida fuqarolar tomonidan 14-maktab uchun qo‘shimcha bino qurish, hududda elektr energiyasi ta’minotini yaxshilash, ichimlik suvi bilan bog‘liq muammolar, shuningdek suyultirilgan gaz ballonlarini o‘z vaqtida yetkazib berish masalalari ko‘tarildi.

Bildirilgan murojaatlar mas’ullar tomonidan atroflicha o‘rganilib, ayrim masalalar yuzasidan joyida tushuntirish va huquqiy maslahatlar berildi. Yozma shaklda kelib tushgan murojaatlar esa tegishli tartibda ko‘rib chiqish uchun mas’ul tashkilotlarga yo‘naltirilishi belgilandi.