Termiz davlat pedagogika institutida voleybol musobaqalari bo‘lib o‘tdi
Termiz davlat pedagogika institutida “Yangi Oʻzbekiston talabalari olimpiadasi”ning hududiy 2-bosqichi doirasida voleybol musobaqalari bo‘lib o‘tdi.
Mazkur musobaqa talaba-yoshlar o‘rtasida sog‘lom turmush tarzini keng targ‘ib qilish, jismoniy faollikni oshirish hamda sport orqali do‘stlik va hamjihatlikni mustahkamlash maqsadida tashkil etildi.
Bellashuvlar davomida jamoalar o‘zaro kuch sinashib, yuqori sport mahorati, jamoaviylik va g‘alabaga bo‘lgan intilishni namoyon etdilar. Musobaqalar qizg‘in va murosasiz bahslarga boy tarzda o‘tdi.
Yakuniy natijalarga ko‘ra, g‘olib va sovrindor jamoalar quyidagicha aniqlandi:
Qizlar jamoalari o‘rtasida:
1-o‘rin — Termiz davlat pedagogika instituti
2-o‘rin — Termiz iqtisodiyot va servis universiteti
3-o‘rin — Toshkent davlat tibbiyot universiteti Termiz filiali
O‘g‘il bolalar jamoalari o‘rtasida:
1-o‘rin — Termiz davlat universiteti
2-o‘rin — Termiz davlat pedagogika instituti
3-o‘rin — Toshkent davlat tibbiyot universiteti Termiz filiali
G‘olib va sovrindor jamoalar tantanali ravishda taqdirlandilar.
Mazkur sport tadbiri talaba-yoshlarning sportga bo‘lgan qiziqishini yanada oshirish, ularning bo‘sh vaqtini mazmunli tashkil etish hamda sog‘lom raqobat muhitini shakllantirishda muhim ahamiyat kasb etdi.