Termiz davlat pedagogika institutida ochiq dars tashkil etildi
Termiz davlat pedagogika instituti Amaliy ingliz tili kafedrasi o‘qituvchisi Boboqulova Nilufar tomonidan Xorijiy til va adabiyoti: ingliz tili yo‘nalishi 23.04-guruh talabalari uchun “Marriage before career or career before marriage?” mavzusida ochiq dars o‘tkazildi.
Mashg‘ulot davomida talabalar mavzu yuzasidan o‘z fikrlarini erkin ifodalash, og‘zaki nutq ko‘nikmalarini rivojlantirish hamda fikr almashish jarayonida ingliz tilidan samarali foydalanish bo‘yicha amaliy mashqlarni bajardilar.
Dars interaktiv usullarda tashkil etilib, unda savol-javoblar, qizg‘in bahs-munozaralar hamda turli interaktiv o‘yinlar orqali talabalar faolligi oshirildi.
Mazkur ochiq dars talabalarning kommunikativ kompetensiyalarini rivojlantirishga xizmat qildi.