TerDPIda “Raqamli startaplar” hamda InnoX dasturi doirasida seminar o‘tkazildi
Surxondaryo viloyatidagi oliy ta’lim muassasalarida “Raqamli startaplar” dasturini samarali amalga oshirish, innovatsion ekotizimni rivojlantirish hamda inkubatsiya markazlari faoliyatini takomillashtirish maqsadida Termiz davlat pedagogika institutida navbatdagi seminar va workshop tashkil etildi.
Mazkur tadbir Surxondaryo viloyati Innovatsion rivojlanish bo‘linmasi bosh mutaxasisi K.Abdullayev, yetakchi mutaxassisi B.Raxmanov, Termiz yoshlar texnoparki davlat muassasasi direktor o‘rinbosari Sh.Xolmamatov boshchiligida o‘tkazildi.
Tadbir davomida Sh. Xolmamatov tomonidan raqamli startaplar, workshoplar hamda startap ekotizimi hamda “InnoX” biznes inkubator va akselerator dasturi bo‘yicha mazmunli taqdimot o‘tkazildi.
Seminar davomida ishtirokchilarga quyidagi yo‘nalishlarda muhim tavsiyalar va amaliy ko‘rsatmalar berildi:
⏺️ raqamli startap loyihalarni shakllantirish
⏺️ innovatsion g‘oyalarni rivojlantirish
⏺️ inkubatsiya jarayonlarini takomillashtirish
Shuningdek, seminar doirasida quyidagi masalalar ham atroflicha muhokama qilindi:
OTMlarda innovatsion ekotizimni rivojlantirish istiqbollari
“Raqamli startaplar” dasturi doirasida loyihalarni saralash va amalga oshirish
inkubatsiya markazlari faoliyatini yangi bosqichga olib chiqish
talabalar va yosh olimlarning innovatsion g‘oyalarini tijoratlashtirish mexanizmlari
“Kelajak startaplari” tanlovida ishtirok etish tartibi
✅ Tadbir yuqori saviyada, qiziqarli va samarali tashkil etildi.
✅ Mazkur seminar oliy ta’lim muassasalarida innovatsion muhitni yanada kuchaytirish, startap tashabbuslarini qo‘llab-quvvatlash hamda yoshlarning ilmiy-amaliy salohiyatini rivojlantirishga xizmat qiladi.