Rektor va tyutorlar uchrashuvi o‘tkazildi

Termiz davlat pedagogika institutida rektor va tyutorlar ishtirokida uchrashuv bo‘lib o‘tdi. Unda talaba-yoshlar bilan ishlash tizimi samaradorligini oshirish, ularning bo‘sh vaqtini mazmunli tashkil etish hamda ma’naviy-ma’rifiy ishlarni yanada kuchaytirish yuzasidan qator masalalar muhokama qilindi.

Uchrashuvda asosiy e’tibor quyidagi yo‘nalishlarga qaratildi:
— jismoniy tayyorgarlik sinovlari va “Sport va sog‘lomlashtirish oyligi” doirasidagi ishlar;
— talabalar bo‘sh vaqtini mazmunli tashkil etish, “Milliy liboslar kuni” loyihasi ijrosi;
— talabalar turar joylari va ijarada yashovchi talabalar sharoitlarini o‘rganish;
— 9-may — Xotira va qadrlash kuni tadbirlariga tayyorgarlik;
— yoshlar bilan ishlash tizimini takomillashtirish hamda huquqbuzarliklarning oldini olish kabi dolzarb masalalar ko‘rib chiqildi.

Shuningdek, uchrashuvdan so‘ng O‘zbekiston Respublikasi Vazirlar Mahkamasining 2025-yil 10-martdagi 149-son qaroriga muvofiq “Oliy ta’lim jarayonlarini boshqarish – HEMIS” (my.hemis.uz, tyutor.hemis.uz) axborot tizimi orqali talabalar ijtimoiy faollik indeksini baholash uchun arizalarni elektron yuborish, ularni ko‘rib chiqish va baholash tartibi yuzasidan seminar-trening o‘tkazildi hamda foydalanish bo‘yicha yo‘riqnomalar tarqatildi.

Uchrashuv yakunida belgilangan vazifalarni o‘z vaqtida va sifatli bajarish zarurligi ta’kidlandi.