Oliy ta’lim muassasalarida qulay va to‘siqsiz muhit holatini o‘rganish ishlari davom etmoqda

Ijtimoiy inspeksiyaning Surxondaryo viloyati boshqarmasi tomonidan Termiz davlat pedagogika institutida ta’lim jarayoni hamda talabalar uchun yaratilgan shart-sharoitlar o‘rganildi.

O‘rganish jarayonida institut hududidagi o‘quv binolari, auditoriyalar, talabalar turar joylari, ovqatlanish maskanlari, sport zallari, faollar zallari, sanitariya xonalari, kirish-chiqish hududlari va ichki yo‘laklar atroflicha ko‘zdan kechirildi.

Xususan, nogironligi bo‘lgan talabalar uchun yaratilgan imkoniyatlar, ularning erkin va xavfsiz harakatlanishi, shuningdek, infratuzilmaning amaldagi talablarga muvofiqligi asosiy e’tibor markazida bo‘ldi.

O‘rganish yakunida aniqlangan kamchiliklar yuzasidan mas’ullarga mavjud to‘siqlarni bartaraf etish, qo‘shimcha qulayliklar yaratish hamda muhitni yanada takomillashtirish bo‘yicha aniq taklif va tavsiyalar berildi.