Talabalarning bo‘sh vaqti mazmunli tashkil etilmoqda
Termiz davlat pedagogika institutida talaba-yoshlarning bo‘sh vaqtini samarali tashkil etish, ularning ma’naviy va madaniy saviyasini yuksaltirishga qaratilgan ishlar izchil davom etmoqda. Xususan, “Besh tashabbus” doirasida Tabiiy va aniq fanlar fakulteti, Texnologiya va geografiya kafedrasi o‘qituvchilari Mirzakulova Risolat hamda Qurbonazarova Gulyuz boshchiligida talabalar uchun muzey va kutubxonalarga tashriflar tashkil etildi.
Mazkur tashriflar davomida talabalar yurtimizning boy tarixiy merosi, milliy qadriyatlari hamda san’at durdonalari bilan yaqindan tanishdilar. Muzey eksponatlari orqali ajdodlarimizning boy o‘tmishi, millatimizning yuksak madaniyati haqida muhim ma’lumotlarga ega bo‘lishdi. Bu esa yoshlarda tarixga hurmat, milliy g‘urur va vatanparvarlik tuyg‘ularini mustahkamlashga xizmat qildi.
Shuningdek, kutubxonalarga uyushtirilgan tashriflar talabalarning ilm-fanga bo‘lgan qiziqishini yanada oshirdi. Turli yo‘nalishdagi adabiyotlar bilan tanishish, mustaqil mutolaa qilish va bilim doirasini kengaytirish imkoniyati yaratildi. O‘qituvchilar tomonidan berilgan tavsiyalar esa talabalar orasida mutolaa madaniyatini rivojlantirishda muhim omil bo‘ldi.
Bunday mazmunli tadbirlar talaba-yoshlarning bo‘sh vaqtini samarali tashkil etish bilan birga, ularning ma’naviy dunyoqarashini boyitib, kelajakda yetuk mutaxassis va barkamol inson bo‘lib shakllanishiga zamin yaratmoqda.