AYOLLAR VA BOLALAR HUQUQLARI HIMOYASI – DAVRA SUHBATI O‘TKAZILDI
Termiz davlat pedagogika institutida O‘zbekiston Respublikasi Prezidentining 2026-yil 3-martdagi PF–33-sonli farmoniga muvofiq, “Ayollar va bolalar huquqlarining himoyasini kuchaytirish hamda ularga nisbatan tazyiq va zo‘ravonlik holatlarining oldini olish bo‘yicha qo‘shimcha tashkiliy-huquqiy chora-tadbirlari” mavzusida talaba-qizlar ishtirokida davra suhbati tashkil etildi.
Tadbir davomida ishtirokchilarga zo‘ravonlikning turli ko‘rinishlari, uning kelib chiqish sabablari hamda oldini olish mexanizmlari haqida atroflicha ma’lumotlar berildi. Shuningdek, ayollar va bolalarni bunday salbiy illatlardan himoya qilish, huquqiy savodxonlikni oshirish masalalari yuzasidan tushuntirish ishlari olib borildi.
Mazkur davra suhbatida institutning xotin-qizlar masalalari bo‘yicha rektor maslahatchisi S. Tursunova, Psixologiya kafedrasi professori M. Narbasheva hamda institut psixologi M. Xudoyorova ishtirok etib, talaba-qizlar ongida mas’uliyat, hushyorlik va sog‘lom turmush tarziga intilish tuyg‘ularini mustahkamlashga qaratilgan mazmunli ma’ruzalar bilan chiqish qildilar.
Tadbir talaba-yoshlar orasida huquqiy madaniyatni yuksaltirish, ayollar va bolalar huquqlarini himoya qilishga doir bilim va tushunchalarni mustahkamlashda muhim ahamiyat kasb etdi.