FAXRLI 1-O‘RIN!
Farg‘ona shahrida o‘tkazilayotgan qo‘l jangi sport turi bo‘yicha kichik o‘smirlar va yoshlar o‘rtasidagi O‘zbekiston chempionatida Termiz davlat pedagogika instituti talabasi yana bir bor yuksak natijani qayd etdi.
Institutimiz talabasi Voxidova Muxlisa (Fighting yo‘nalishi, -71 kg vazn toifasi) musobaqada munosib ishtirok etib, faxrli 1-o‘rinni egalladi hamda I darajali diplom va oltin medal bilan taqdirlandi.
Ushbu yutuq sportchining mehnati, matonati va yuqori tayyorgarligi natijasidir.
G‘olibimizni ushbu ulkan muvaffaqiyat bilan tabriklaymiz va kelgusi musobaqalarda yanada yuksak natijalar tilaymiz!