Ota-onalar kongressi
Termiz davlat pedagogika institutida ota-onalar kongressi tashkil etildi. Unda Yoshlar masalalari va ma’naviy-ma’rifiy ishlar bo‘yicha birinchi prorektor I.Xasanov, profilaktika inspektori A.Ro‘ziyev, fakultet dekanlari, tyutorlar hamda ota-onalar ishtirok etdi.
Yig‘ilish davomida ota-onalarga institutda yaratilgan sharoitlar, talabalarga beriladigan imtiyozlar va institutning ichki tartib-qoidalari yuzasidan batafsil ma’lumot berildi. Shuningdek, talabalarning bo‘sh vaqtini mazmunli tashkil etish maqsadida yo‘lga qo‘yilgan to‘garaklar, davom etayotgan sport musobaqalari hamda tarbiyaviy va rivojlantiruvchi muhit bo‘yicha tushuntirishlar taqdim etildi. Mazkur uchrashuv institut rahbariyati, mas’ul bo‘limlar va ota-onalar o‘rtasida ochiq muloqotni mustahkamlash, talabalarning xulq-atvori, ichki tartibga rioya etishi va institut imkoniyatlaridan samarali foydalanishi bo‘yicha hamkorlikni kuchaytirishga qaratilgan amaliy institutsional yondashuvni aks ettiradi.