Jasorat darsi

Termiz davlat pedagogika instituti Pedagogika va ijtimoiy fanlar fakultetida “Nomingiz dillarda mangu yashaydi” shiori ostida Jasorat darsi tashkil etildi. Tadbirda “Veteran” jangchi-faxriy va nogironlari birlashmasi Surxondaryo viloyati bo‘limi Kengashi raisi B.Safarov, terrorizm va uyushgan jinoyatchilikka qarshi kurashish yo‘nalishida xizmat qilgan zaxiradagi xodim B.Shodiyev, Ichki ishlar boshqarmasining zaxiradagi xodimi E.Jumayev, TerDPI XOOG katta inspektori B.Allaberdiyev hamda talabalar ishtirok etdilar.

Uchrashuv davomida yoshlarga tarixiy xotira, tinchlik, erkinlik, vatanparvarlik, fuqarolik mas’uliyati va milliy qadriyatlarga sadoqat mavzularida murojaatlar yo‘llandi. Videoroliklar namoyishi va faxriylar bilan bevosita muloqot orqali talabalarda hurmat, intizom, mas’uliyat va jamiyat oldidagi burchni chuqur anglashga qaratilgan ma’naviy-ma’rifiy tushunchalar mustahkamlandi. Mazkur faoliyat institutda xulq-atvor madaniyati, qadriyatlarga hurmat va ijtimoiy mas’uliyatni kuchaytirishga qaratilgan tarbiyaviy yondashuvning amaliy ko‘rinishi sifatida baholanadi.