Aholi bilan uchrashuv

2024-yil 12-dekabr kuni O‘zbekiston Respublikasining “Xalq deputatlari viloyat, tuman, shahar Kengashi deputatining maqomi to‘g‘risida”gi Qonunining 7-moddasi ijrosi doirasida viloyat Kengashi deputati A.Xasanov, Sho‘rchi tuman Kengashi deputatlari A.Safarova va X.G‘apporova bilan birgalikda Sho‘rchi tumanidagi 67-sonli maktabda “Qo‘shtegirmon” va “Kushon” mahalla fuqarolari bilan uchrashuv o‘tkazdi.

Uchrashuv davomida mamlakatimizda amalga oshirilayotgan islohotlarning mazmun-mohiyati yuzasidan tushuntirishlar berildi, fuqarolarga huquqiy maslahatlar taqdim etildi hamda aholining muammo va takliflari tinglandi. Yozma murojaatlar deputatlik so‘rovlari orqali tegishli tashkilotlarga yuborilishi qayd etildi. Kunning ikkinchi yarmida mas’ullar tomonidan tumandagi 56-sonli va 62-sonli maktablar faoliyati, o‘quv jarayonlari hamda qish mavsumini betalofat o‘tkazish bo‘yicha tayyorgarlik holati o‘rganildi.

Mazkur faoliyat fuqarolar bilan ochiq muloqot, murojaatlarni eshitish, ularni rasmiy tartibda ko‘rib chiqishga yo‘naltirish hamda joylardagi ijtimoiy infratuzilma holatini nazorat qilishga qaratilgan amaliy javobgarlik yondashuvini aks ettiradi.