Xavfsizlik va hurmat
2024-yil 24-sentabr kuni Termiz davlat pedagogika institutida talaba-qizlar ishtirokida “Ta’lim muhitida xavfsizlik va hurmat tamoyili” mavzusida davra suhbati tashkil etildi. Tadbir ta’lim muhitida xotin-qizlarning faolligini oshirish, ularning xavfsizligini ta’minlash, hurmatga asoslangan muomala madaniyatini mustahkamlash hamda ta’lim jarayonidagi huquq va majburiyatlar yuzasidan ochiq muloqotni kuchaytirishga qaratildi.
Davra suhbatida viloyat “Oqila ayollar harakati” raisi, psixologiya fanlari nomzodi, professor M.Norboshevna, institut Xotin-qizlar maslahat kengashi raisi S.Tursunova, Tabiiy va aniq fanlar fakulteti xotin-qizlar masalalari bo‘yicha dekan maslahatchisi X.Qulmamatova, “Qizlarjon” klubi sardori hamda fakultet talaba-qizlari ishtirok etdi. Muloqot davomida odob-axloq normalariga rioya qilish, ta’limdagi mas’uliyatni oshirish, xavfsizlik tamoyillari, o‘zaro hurmat, talaba-qizlarning huquq va majburiyatlari hamda qo‘llab-quvvatlovchi akademik muhitni mustahkamlash bo‘yicha tushuntirishlar berildi. Savol-javob shaklida tashkil etilgan interfaol muloqot talaba-qizlarning murojaat, fikr va ehtiyojlarini ochiq muhokama qilish imkonini yaratdi.
Mazkur tadbir institutda xotin-qizlar bilan ishlash, xavfsiz va hurmatga asoslangan ta’lim muhitini shakllantirish, gender sezgir yondashuvni kuchaytirish va profilaktik-ma’rifiy ishlarni qo‘llab-quvvatlashga qaratilgan amaliy institutsional faoliyat sifatida baholanadi.