Gender tenglik suhbati
2024-yil 14-may kuni Termiz davlat pedagogika instituti Tarix fakultetida Xotin-qizlar maslahat kengashi raisi S.Boboyeva tashabbusi bilan “Gender tenglik nima?” mavzusida davra suhbati tashkil etildi. Tadbirda fakultetning talaba-yoshlari ishtirok etdi. Suhbat davomida fakultetning o‘quv ishlari bo‘yicha dekan o‘rinbosari Sh.Xudoyberdiyev so‘zga chiqib, xotin-qizlar o‘rtasida jinoyatchilikning oldini olish, huquqbuzarlik profilaktikasi va huquqiy ongni mustahkamlash bo‘yicha amalga oshirilayotgan chora-tadbirlar haqida ma’lumot berdi.
Mazkur uchrashuv fakultet darajasida gender tenglik tushunchasini tushuntirish, talaba-qizlar bilan profilaktik va ma’rifiy ishlash, xavfsiz va hurmatli akademik muhitni qo‘llab-quvvatlashga qaratilgan amaliy muloqot shakli sifatida ahamiyatga ega. Tadbir davomida gender tenglikning mazmuni, ayollar huquqlari, ijtimoiy mas’uliyat, huquqiy himoya va talaba-qizlarning faolligini oshirish masalalariga e’tibor qaratildi. Uchrashuv yakunida talabalar o‘zlarini qiziqtirgan savollarga mutaxassislar tomonidan javob oldi.