Talaba-qizlar turar joyi monitoringi

2024-yil 7-aprel kuni O‘zbekiston Respublikasi Oliy Majlisi Senati Xotin-qizlar va gender tenglik masalalari qo‘mitasining 2023-yil 6-martdagi 137-sonli qarori 2.1-bandi ijrosini ta’minlash doirasida Guliston davlat universiteti Xotin-qizlar maslahat kengashi raisi N.Sultonova hamda Xotin-qizlar masalalari bo‘yicha dekan maslahatchisi F.G‘oyibnazarova Termiz davlat pedagogika institutiga tashrif buyurdi. Tashrif davomida institutdagi talaba-qizlar turar joylarida yaratilgan sharoitlar, ijarada va yaqin qarindoshlari bilan yashovchi talaba-qizlar bilan olib borilayotgan ma’naviy-ma’rifiy ishlar hamda institut Xotin-qizlar maslahat kengashining faoliyati tahliliy o‘rganildi.

Monitoring qamrovi institutning talaba-qizlar turar joylari, ijarada yashovchi talabalar bilan ishlash amaliyoti, yaqin qarindoshlari bilan istiqomat qilayotgan talaba-qizlarni qo‘llab-quvvatlash mexanizmlari hamda xotin-qizlar bilan ishlovchi mas’ul tuzilmalarning faoliyatini o‘z ichiga oldi. O‘rganish yakunida talaba-qizlarning yashash sharoitlari va ijtimoiy qo‘llab-quvvatlash holati bo‘yicha muntazam monitoringni davom ettirish, ijarada va qarindoshinikida yashovchi talaba-qizlar bilan individual ishlashni kuchaytirish, maslahat va psixologik ko‘mak mexanizmlarini yanada tizimlashtirish hamda Xotin-qizlar maslahat kengashi faoliyatini profilaktik va ma’rifiy yo‘nalishda izchil davom ettirish bo‘yicha tavsiyalar berildi.