Psixologiya laboratoriyasi

2024-yil 29-oktabr kuni Termiz tumani 25- va 34-umumiy o‘rta ta’lim maktablarining bitiruvchi sinf o‘quvchilari Termiz davlat pedagogika instituti Amaliy psixologiya kafedrasi qoshida tashkil etilgan “Eksperimental psixologiya” laboratoriya xonasiga tashrif buyurdi. Tashrif davomida kafedra mudiri O. Eshmuradov laboratoriyaning maqsadi, vazifalari, faoliyati hamda ta’limiy va amaliy imkoniyatlari haqida batafsil ma’lumot berdi.

Shuningdek, kafedra professor-o‘qituvchilari Sh. Normuminov va E. Mardonov tomonidan laboratoriyadagi zamonaviy jihozlar asosida o‘quvchilarga kompyuterlashtirilgan psixologik testlar va amaliy tajribalar namoyish etildi. Uchrashuv davomida o‘quvchilarning savollariga mutaxassislar tomonidan javob berildi. Mazkur tashrif maktab o‘quvchilarini oliy ta’lim muhiti, amaliy psixologiya yo‘nalishi va laboratoriya imkoniyatlari bilan tanishtirish, ularning fan va kasbga oid qiziqishini rivojlantirishga qaratilgan jamoatchilik uchun ta’limiy tashabbus sifatida ahamiyatga ega.