Ma’rifatli ayol
Termiz davlat pedagogika institutida “Ma’rifatli ayol — jamiyat taraqqiyotining ko‘zgusi” mavzusida davra suhbati tashkil etildi. Tadbirda Ilmiy ishlar va innovatsiyalar bo‘yicha prorektor Sh. Kuldasheva, Xotin-qizlar masalalari bo‘yicha rektor maslahatchisi S. Tursunova, Maktabgacha ta’limda tarbiyani tashkil etish kafedrasi mudiri X. Nuriddinova, Boshlang‘ich ta’limda matematika va ona tili kafedrasi katta o‘qituvchisi R. Norqobilova hamda talabalar ishtirok etdi.
Uchrashuv davomida xotin-qizlar uchun yaratilgan ta’lim imkoniyatlari, ilmiy izlanish olib borayotgan tadqiqotchi ayollar faoliyati va ayollarning jamiyat taraqqiyotidagi o‘rni muhokama qilindi. Talabalar tomonidan berilgan savollarga mutaxassislar tomonidan batafsil javob berildi. Mazkur tadbir institutda ayollar ta’limi, ayollar yetakchiligi va ilmiy faolligini qo‘llab-quvvatlashga qaratilgan ochiq muloqot va institutsional yondashuvni namoyon etadi.