Magistrantlar bilan uchrashuv
2024-yil 22-sentabr kuni Termiz davlat pedagogika institutida rahbariyat va 1-kurs magistrantlar uchrashuvi bo‘lib o‘tdi. Uchrashuvda Ilmiy ishlar va innovatsiyalar bo‘yicha prorektor Sh. Kuldasheva, Ilmiy tadqiqotlar, innovatsiyalar va ilmiy-pedagogik kadrlar tayyorlash bo‘limi boshlig‘i A. Qurbonov, magistratura bo‘limi boshlig‘i X. Norbo‘tayev hamda magistrantlar ishtirok etdi. Ma’lumot o‘rnida, 2024/2025-o‘quv yilida institutga 128 nafar magistrant qabul qilingan.
Uchrashuv davomida magistrantlarning asosiy vazifasi sifatida ilmiy izlanish olib borish, tadqiqot bilan shug‘ullanish va akademik rivojlanishga mas’uliyat bilan yondashish masalalari alohida ta’kidlandi. Shuningdek, magistrantlar tomonidan bildirilgan takliflarning uchrashuv jarayonidayoq amaliyotga joriy etilishi qayd etildi. Mazkur uchrashuv prorektor darajasida magistratura bosqichini muvofiqlashtirish, ilmiy faoliyatga yo‘naltirish va magistrantlarning takliflarini boshqaruv jarayoniga integratsiya qilishga qaratilgan amaliy institutsional yondashuvni namoyon etadi.