Talabalar bilan muloqot
2024-yil 22-noyabr kuni Termiz davlat pedagogika institutining Maktabgacha va boshlang‘ich ta’lim fakultetida Yoshlar masalalari va ma’naviy-ma’rifiy ishlar bo‘yicha birinchi prorektor U. Turamuratov hamda Ilmiy ishlar va innovatsiyalar bo‘yicha prorektor Sh. Kuldasheva talaba-yoshlar bilan ochiq uchrashuv o‘tkazdi. Uchrashuvda 100 nafardan ortiq talaba ishtirok etdi.
Muloqot davomida talabalarning bo‘sh vaqtini mazmunli tashkil etish, o‘quv jarayonini takomillashtirish va amaliyot tizimini rivojlantirishga oid takliflar tinglandi. Xususan, fakultet binosida “bog‘chaxona” tashkil etish, laboratoriya xonasi yaratish hamda “4+2” dasturi doirasidagi amaliyot jarayonlarini boshqa ta’lim muassasalarida tashkil etish bo‘yicha takliflar ilgari surildi. Talabalar tomonidan bildirilgan takliflarning rahbariyat tomonidan ko‘rib chiqilishi ta’kidlandi. Mazkur uchrashuv prorektorlar darajasida talaba ehtiyojlarini eshitish, akademik va infratuzilmaviy masalalarni aniqlash hamda boshqaruv qarorlarini talaba tashabbuslari bilan bog‘lashga qaratilgan amaliy yondashuvni aks ettiradi.