Yoshlar bilan muloqot
2024-yil 29-aprel kuni Termiz davlat pedagogika instituti rektori A. Xasanov Talaba-yoshlar orasida ijtimoiy-ma’naviy muhit barqarorligini ta’minlash bo‘yicha rektor maslahatchisi O. Hakimov hamda boshqa mas’ullar bilan birgalikda Sho‘rchi tumanida joylashgan “Yakkabog‘” va “Jarqishloq” mahallalarida istiqomat qiluvchi 31 nafar yosh bilan uchrashuv o‘tkazdi.
Uchrashuv davomida yoshlarning muammolari, takliflari va ehtiyojlari individual ravishda tinglandi. Muloqot jarayonida yoshlarning bandligini ta’minlash, kasb-hunarga yo‘naltirish, bo‘sh vaqtini mazmunli tashkil etish va ularni ijtimoiy qo‘llab-quvvatlash masalalariga alohida e’tibor qaratildi. Mazkur uchrashuv institut rahbariyatining yoshlar bilan bevosita ishlash, ularning murojaatlarini eshitish va ijtimoiy yo‘naltirilgan boshqaruv yondashuvini amalda qo‘llashini ko‘rsatadi.