Termiz davlat pedagogika institutida ijtimoiy himoyaga muhtoj abituriyentlar uchun o'quv kurslari tashkil etildi
Yoshlarni qo'llab-quvvatlash, kasb-hunarga o'rgatib, hayotga tayyorlash bugungi kunning eng ustuvor vazifalaridan biridir.
Joriy yilning 4-iyul sanasidan boshlab, Termiz davlat pedagogika institutida Jarqo'rg'on, Qumqorg'on va Sho'rchi tumanlarida yashovchi 23 nafar ijtimoiy himoyaga muhtoj abituriyent yoshlarni oliy ta'lim muassasalariga o'qishga kirishda ko'maklashish maqsadida bepul o'quv kurslari tashkil etildi. Hozirda mazkur yoshlar talabalar turar joyi bilan ta'minlanib, ularga institutning professor-o'qituvchilari tomonidan fanlar kesimida dars mashg'ulotlari olib borilmoqda.
7-iyul kuni rektor A.Xasanov ana shu yoshlar bilan uchrashuv o'tkazdi. Uchrashuv erkin va samimiy ruhda tashkil etilib, yoshlarning kayfiyati, takliflari o'rganildi. Yakunda yoshlar yaratilgan qulayliklardan mamnunligi va imtihon oldi hayajonda ekanliklarini ta'kidlab, bu yil talaba bo'lishlariga ishonch bildirishdi.
✍️ TerDPI matbuot xizmati