Yengil atletika g‘alabasi

2024-yil 1-noyabr kuni Termiz shahridagi “Alpomish” stadionida “Besh tashabbus olimpiadasi” sport musobaqalarining yengil atletika turi bo‘yicha viloyat birinchiligi bo‘lib o‘tdi. Musobaqada jami 4 ta oliy ta’lim muassasasi — Termiz davlat universiteti, Toshkent davlat tibbiyot universiteti Termiz filiali, Termiz davlat pedagogika instituti hamda Toshkent davlat agrar universiteti Termiz filiali jamoalari ishtirok etdi.

Musobaqada Termiz davlat pedagogika instituti talabalari 4x100 metr MIX estafeta bahsida 47:46 natija bilan faxrli 1-o‘rinni egalladi va respublika final bosqichiga yo‘llanma oldi. Mazkur natija institutda jismoniy faollikni rivojlantirish, talabalarni muntazam sport mashg‘ulotlariga jalb etish va iqtidorli sportchi yoshlarni qo‘llab-quvvatlash borasida olib borilayotgan ishlarning amaliy samarasini ko‘rsatadi.

G‘olib jamoa tarkibidan Jismoniy madaniyat yo‘nalishi talabalari Omonov Jahongir, Sulaymonova Sevara, Omonov Shoxruh hamda Xotin-qizlar sporti yo‘nalishi talabasi Anvarova Dinara o‘rin oldi. Jamoani o‘qituvchi Nuriddinov Qandil tayyorladi. Ushbu g‘alaba institutda sport orqali sog‘lom turmush tarzini targ‘ib qilish, talabalar o‘rtasida musobaqa ruhini kuchaytirish va sport salohiyatini yuksaltirish borasidagi tizimli ishlar natijasini yaqqol namoyon etdi.