Qozon delegatsiyasi tashrifi

2024-yil 23-sentabr kuni Termiz davlat pedagogika institutiga Qozon Federal universiteti Elabuga instituti delegatsiya vakillari — o‘quv ishlari bo‘yicha direktor o‘rinbosari Irina Petrovna hamda xorijlik talabalarni qabul qilish va xizmat ko‘rsatish bo‘limi rahbari Olesya Oshkina tashrif buyurdi.

Tashrif doirasida ikki oliy ta’lim muassasasi o‘rtasida olib borilayotgan hamkorlik aloqalarini rivojlantirish, yangi qo‘shma loyihalarni yo‘lga qo‘yish, professor-o‘qituvchilarni ma’ruza mashg‘ulotlariga jalb etish va institutsional hamkorlikni amaliy bosqichga olib chiqish masalalari muhokama qilindi.

Shundan so‘ng delegatsiya vakillari “Ona tili va adabiyoti: rus tili” yo‘nalishidagi Double Degree magistratura dasturi bo‘yicha imtihondan muvaffaqiyatli o‘tgan 5 nafar magistrant bilan uchrashdi. Uchrashuv davomida jami 8 nafar magistrantga Qozon Federal universiteti Elabuga instituti, mazkur qo‘shma dasturda ta’lim olishning afzalliklari, akademik imkoniyatlar, xalqaro diplom, o‘quv jarayonlari va kelgusidagi kasbiy istiqbollar haqida batafsil ma’lumot berildi.

Mazkur tashrif Termiz davlat pedagogika institutida xalqaro qo‘shma ta’lim dasturlarini rivojlantirish, magistratura bosqichida ikki tomonlama akademik hamkorlikni mustahkamlash va talabalar uchun xalqaro darajadagi ta’lim imkoniyatlarini kengaytirish borasidagi amaliy ishlarning muhim ko‘rinishidir.