Malayziyaga xizmat safari
2024-yil 5–10-fevral kunlari Termiz davlat pedagogika instituti rektori boshchiligidagi delegatsiya Malayziya davlatiga xizmat safari bilan tashrif buyurdi. Safar davomida delegatsiya Malayziya Xalqaro Islom Universiteti, Kuala Lumpur Universiteti, Malayziya Kelantan Universiteti hamda UPSI — Universiti Pendidikan Sultan Idris faoliyati bilan yaqindan tanishdi.
Tashrif doirasida mazkur oliy ta’lim muassasalarida talabalarga yaratilgan sharoitlar, akademik infratuzilma va ta’lim jarayonlarini tashkil etish tajribasi o‘rganildi. Muzokaralar natijasida, ayniqsa Malayziya Kelantan Universiteti bilan talabalar almashinuvini yo‘lga qo‘yish, hamkorlikda ilmiy jurnal tashkil etish va yosh o‘qituvchilarni malaka oshirishga yuborish bo‘yicha memorandum tuzishga erishildi.
Mazkur xizmat safari Termiz davlat pedagogika institutining xalqaro akademik aloqalarini kengaytirish, xorijiy oliy ta’lim muassasalari tajribasini o‘rganish hamda kelgusidagi almashinuv, malaka oshirish va qo‘shma ilmiy tashabbuslar uchun amaliy asos yaratish borasidagi muhim qadamlardan biri bo‘ldi. Hozirda institut 23 ta xorijiy OTM bilan hamkorlik aloqalarini yo‘lga qo‘ygan bo‘lib, qo‘shma loyihalar doirasida 58 nafar professor-o‘qituvchi Qozog‘iston, Rossiya va Polshada malaka oshirib qaytgan.