Qo‘qon teatri

2024-yil 6-noyabr kuni Termiz davlat pedagogika institutiga Qo‘qon shahar musiqali drama teatri tashrif buyurdi. Tashrif doirasida teatr jamoasi tomonidan talabalarga O‘tkir Hoshimovning “To‘ylar muborak” sahna asari namoyish etildi.

Mazkur madaniy-ma’rifiy tadbir talabalarning badiiy-estetik didini shakllantirish, milliy dramaturgiya va teatr san’ati orqali ma’naviy dunyoqarashini boyitish, shuningdek, ularni sahna madaniyati va adabiy meros bilan yaqindan tanishtirishga xizmat qildi. Spektaklni Tabiiy va aniq fanlar fakultetining 200 ga yaqin talabalari katta qiziqish va faol ishtirok bilan tomosha qildi.

Qo‘qon shahar musiqali drama teatri jamoasining ushbu tashrifi Termiz davlat pedagogika institutida talabalar uchun nafaqat akademik, balki madaniy va ma’rifiy rivojlanish imkoniyatlarini yaratish, tashqi ijodiy jamoalar bilan hamkorlikni kengaytirish va ta’lim muhitini boyitishga qaratilgan amaliy faoliyatni aks ettiradi.