Teatr tashrifi

2024-yil 19-oktabr kuni Termiz davlat pedagogika institutiga Namangan viloyati musiqali drama teatri jamoasi tashrif buyurdi. Tashrif doirasida rejissor Shuhrat Abdullayev tomonidan sahnalashtirilgan “Aziz” spektakli institut talabalari uchun namoyish etildi.

Mazkur madaniy-ma’rifiy tadbir talabalarning badiiy-estetik didini shakllantirish, ma’naviy dunyoqarashini boyitish hamda teatr san’ati orqali tarbiyaviy g‘oyalarni yetkazishga xizmat qildi. Spektakl Tabiiy va aniq fanlar fakultetining qariyb 200 nafar talabasi tomonidan katta qiziqish bilan tomosha qilindi, bu esa institutda talabalarning madaniy-ma’rifiy hayotini boyitishga qaratilgan tashabbuslarning amaliy davom etayotganini ko‘rsatadi.

Namangan viloyati musiqali drama teatri jamoasining ushbu tashrifi Termiz davlat pedagogika institutining talabalarga nafaqat akademik, balki ma’naviy va madaniy rivojlanish imkoniyatlarini yaratish, tashqi ijodiy jamoalar bilan hamkorlikni yo‘lga qo‘yish va ta’lim muhitini boyitish borasidagi faoliyatini aks ettiradi.