Jiangsu professori ma’ruzasi

2024-yil fevral oyida Termiz davlat pedagogika institutida xalqaro akademik hamkorlik doirasida xorijiy mutaxassislar ishtirokidagi ta’limiy faoliyat davom etdi. Xususan, Xitoy Respublikasidagi Jiangsu universiteti Kimyo va kimyoviy injeneriya fakulteti professori Abul Monsur Showkot Hossian institutga tashrif buyurib, Tabiiy fanlar fakulteti talabalari uchun “Ekologiya va atrof-muhit muhofazasi” fanidan ma’ruza mashg‘ulotlarini olib bormoqda.

Mazkur darslar talabalarning xalqaro akademik tajriba bilan tanishishi, ekologiya va atrof-muhit muhofazasi sohasidagi zamonaviy yondashuvlarni o‘rganishi hamda xorijiy professor ishtirokida ta’lim olish imkoniyatlarini kengaytirishga xizmat qiladi. Xorijlik mutaxassis tomonidan olib borilayotgan mashg‘ulotlar institutda bilim almashinuvi, ilmiy-mazmuniy muloqot va ta’lim sifatini oshirishga qaratilgan amaliy ishlarning muhim ko‘rinishlaridan biridir.

Shuningdek, ushbu tashrif Termiz davlat pedagogika institutining jahonning yetakchi oliy ta’lim muassasalari bilan akademik aloqalarni rivojlantirish, xorijiy professorlarni ta’lim jarayoniga jalb etish va talabalar uchun xalqaro darajadagi o‘quv muhitini shakllantirish borasidagi tizimli faoliyatini aks ettiradi. Ma’lumotga ko‘ra, mazkur ma’ruza mashg‘ulotlari 2024-yil 20-fevralga qadar davom etadi.