Bursa vakili tashrifi
2024-yil 18-yanvar kuni Termiz davlat pedagogika institutiga Bursa shahridagi faxriy konsul Ali Baklan tashrif buyurdi. Tashrif doirasida mehmon institut rektori va prorektorlar bilan uchrashib, xalqaro aloqalarni kengaytirish, professor-o‘qituvchilar hamda talabalar uchun Turkiyaning yetakchi oliy ta’lim muassasalarida malaka oshirish va ta’lim olish imkoniyatlari yuzasidan fikr almashdi.
Uchrashuv davomida xalqaro hamkorlikni rivojlantirish, turk tilini o‘rganish imkoniyatlarini kengaytirish va kelgusida institutsional aloqalarni mustahkamlashga qaratilgan takliflar ilgari surildi. Muzokaralar yakunida hamkorlikni rivojlantirish bo‘yicha memorandum imzolandi, bu esa xalqaro aloqalarni amaliy bosqichga olib chiqish uchun muhim institutsional asos yaratdi.
Shundan so‘ng Ali Baklan institutning o‘quv xonalari, axborot-resurs markazi, sport zali hamda talabalar turar joyi bilan tanishdi. Tashrif davomida talaba-qizlarning zardo‘zlik ishlari ham namoyish etildi. Mazkur tashrif Termiz davlat pedagogika institutining xalqaro hamkorlik geografiyasini kengaytirish va kelgusidagi akademik almashinuvlar uchun yangi imkoniyatlar yaratishga xizmat qiladi.