Inklyuziv qisqa muddatli o‘quv kurslari orqali teng ishtirok imkoniyatlari kengaytirilmoqda
Termiz davlat pedagogika institutida International Inclusive Hub xalqaro tayanch inklyuziv professional ta’lim markazi tomonidan ishlab chiqilgan zamonaviy va amaliyotga yo‘naltirilgan dasturlar asosida qisqa muddatli o‘quv kurslari tashkil etildi. Kurslar ingliz tili, kompyuter tizimlari va komplekslar hamda tasviriy san’at yo‘nalishlarini qamrab oladi.
Mazkur kurslar inklyuziv ta’lim tamoyillari asosida tashkil etilgan bo‘lib, har bir tinglovchining imkoniyati, ehtiyoji va o‘quv jarayonidagi ishtirokini qo‘llab-quvvatlashga qaratilgan. Kurslar qisqa muddatli va amaliy formatda olib borilib, malakali mutaxassislar va trenerlar ishtirokida o‘tkaziladi. Mashg‘ulotlar yakunida tinglovchilarga davlat namunasidagi sertifikat berilishi ko‘zda tutilgan.
Ushbu tashabbus ta’lim va kasbiy rivojlanish imkoniyatlariga teng kirish, amaliy ko‘nikmalarni rivojlantirish va inklyuziv ishtirok muhitini mustahkamlashga xizmat qiladi. Shu jihatdan, mazkur kurslar institutning inklyuziv qo‘llab-quvvatlash, teng ishtirok va hayot davomida ta’lim imkoniyatlarini kengaytirishga qaratilgan amaliy faoliyatining muhim qismi hisoblanadi.
Inklyuziv qisqa muddatli o‘quv kurslari orqali teng ishtirok imkoniyatlari kengaytirilmoqda