Talabalar o‘rtasida gandbol musobaqasi orqali jismoniy faollik va sog‘lom turmush tarzi targ‘ib qilindi

Termiz davlat pedagogika instituti talabalari “Universiada” sport musobaqasining gandbol turi bo‘yicha hududiy bosqichida faol ishtirok etib, yuqori natijalarni qayd etdilar. Musobaqa oliy ta’lim muassasalari talabalari o‘rtasida tashkil etilib, talabalar orasida sport faolligi, jamoaviy hamkorlik va sog‘lom turmush tarzini qo‘llab-quvvatlashga qaratildi.

Musobaqada Termiz davlat pedagogika instituti o‘g‘il bolalar va qiz bolalar terma jamoalari ishtirok etdi. Yakuniy natijalarga ko‘ra, institutning qizlar jamoasi 1-o‘rinni, o‘g‘il bolalar jamoasi esa 2-o‘rinni qo‘lga kiritdi. Qizlar jamoasining ushbu natijasi ularning musobaqaning keyingi bosqichida viloyat sharafini himoya qilish imkoniyatini yaratdi.

Mazkur sport tadbiri talaba-yoshlar orasida jismoniy faollikni oshirish, sog‘lom turmush tarzini targ‘ib qilish, sportga qiziqishni kuchaytirish, ijtimoiy faollik va jamoaviy ruhni mustahkamlashga xizmat qiladi. Shu jihatdan, ushbu musobaqa institutning talabalar farovonligi, sport madaniyati va sog‘lom hayot tashabbuslarini qo‘llab-quvvatlashga qaratilgan amaliy faoliyatining muhim qismi hisoblanadi.