Talabalar o‘rtasida futbol musobaqasi orqali jismoniy faollik va sog‘lom turmush tarzi targ‘ib qilindi

Termiz davlat pedagogika instituti talabalari “Besh tashabbus olimpiadasi” doirasida o‘tkazilgan futbol musobaqasining hududiy bosqichida faol ishtirok etib, yuqori natija qayd etdilar. “Alpomish” stadionida tashkil etilgan musobaqada viloyatdagi 6 ta oliy ta’lim muassasasi jamoalari qatnashdi.

Musobaqa davomida institut jamoasi Toshkent tibbiyot akademiyasi Termiz filiali jamoasini 2:1, Termiz davlat muhandislik va agrotexnologiyalar universiteti jamoasini 8:0 hamda final bahsida Termiz davlat universiteti jamoasini 8:1 hisobida mag‘lub etib, 1-o‘rinni qo‘lga kiritdi. Yakuniy natijalarga ko‘ra, Termiz davlat pedagogika instituti — 1-o‘rin, Termiz davlat universiteti — 2-o‘rin, Denov tadbirkorlik va pedagogika instituti — 3-o‘rinni egalladi.

Mazkur sport tadbiri talaba-yoshlar orasida jismoniy faollikni oshirish, sog‘lom turmush tarzini targ‘ib qilish, sportga qiziqishni kuchaytirish, jamoaviy hamkorlik va sog‘lom raqobat muhitini rivojlantirishga xizmat qiladi. Shu jihatdan, ushbu musobaqa institutning talaba farovonligi, sport madaniyati va sog‘lom turmush tashabbuslarini qo‘llab-quvvatlashga qaratilgan amaliy faoliyatining muhim qismi hisoblanadi