Mahallalarda yoshlar o‘rtasida ijtimoiy-psixologik profilaktika va xavfsiz muhit bo‘yicha davra suhbati

Termiz davlat pedagogika instituti tomonidan mahallalarda yoshlar o‘rtasida jinoyatchilik va huquqbuzarliklarning oldini olish, oilaviy ajrimlar xavfini kamaytirish hamda ijtimoiy-ma’naviy muhitni sog‘lomlashtirishga qaratilgan ustuvor vazifalar doirasida Termiz tumani Yangiobod mahallasida mahalla fuqarolari bilan davra suhbati tashkil etildi.

Tadbir doirasida nizoli oilalar farzandlari, huquqbuzarlik va jinoyatchilikka moyilligi bo‘lgan uyushmagan yoshlarni erta bosqichda qo‘llab-quvvatlash, ular bilan maqsadli ishlash va ijtimoiy-psixologik xizmat ko‘rsatish zarurati yuzasidan tushuntirishlar berildi. Suhbat davomida ishtirokchilar o‘zlarini qiziqtirgan masalalar bo‘yicha savollar berishdi hamda mutaxassislardan psixologik va ijtimoiy maslahatlar olish imkoniyatiga ega bo‘ldilar.

Mazkur davra suhbati mahalla darajasida xavfsiz ijtimoiy muhitni mustahkamlash, yoshlar o‘rtasida profilaktik xabardorlikni oshirish, psixologik qo‘llab-quvvatlashni kuchaytirish va ijtimoiy xavf guruhlariga mansub yoshlar bilan manzilli ishlashga xizmat qiladi. Shu jihatdan, ushbu tashabbus institutning psixologik farovonlik, ijtimoiy barqarorlik va xavfsiz muhitni qo‘llab-quvvatlashga qaratilgan amaliy jamoatchilik faoliyatining muhim qismi hisoblanadi.