Talabalar uchun erta turmushning oldini olish va oilaviy hayotga tayyorgarlik bo‘yicha davra suhbati

Termiz davlat pedagogika instituti Pedagogika va ijtimoiy fanlar fakultetida “Erta turmushning oldini olish va qarindosh-urug‘ o‘rtasidagi nikohlarning salbiy oqibatlari” hamda “Yoshlarni oilaga tayyorlash” mavzularida davra suhbati tashkil etildi.

Tadbirda Termiz shahar 4-son oilaviy poliklinikasi tibbiyot xodimlari B. Xushboqova va M. Abdumo‘minova, shuningdek institutning xotin-qizlar masalalari bo‘yicha mas’ul vakillari ishtirok etib, talaba-yoshlarga erta turmushning salbiy oqibatlari, qarindoshlar o‘rtasidagi nikohlarning tibbiy xavflari, nikohdan oldingi tibbiy ko‘rikning ahamiyati hamda yoshlarni oilaviy hayotga ongli tayyorlash masalalari yuzasidan tushuntirishlar berdilar.

Uchrashuv davomida talabalarning savollariga mutaxassislar tomonidan amaliy va tushuntiruvchi javoblar berildi. Mazkur davra suhbati talaba-yoshlar orasida huquqiy va tibbiy xabardorlikni oshirish, psixologik farovonlikni qo‘llab-quvvatlash, xavfsiz ijtimoiy muhitni mustahkamlash va sog‘lom oilaviy hayotga mas’uliyatli yondashuvni rivojlantirishga xizmat qiladi. Shu jihatdan, ushbu tadbir institutning talaba farovonligi, gender sezgirlik va profilaktik ma’rifatga qaratilgan amaliy faoliyatining muhim qismi hisoblanadi.