“Xavfsiz kibermakon” va “Xavfsiz talaba” tashabbuslari doirasida profilaktik targ‘ibot ishlari
Termiz davlat pedagogika institutida talaba-yoshlar orasida huquqbuzarlik va jinoyatchilikning oldini olish, huquqiy savodxonlikni oshirish hamda raqamli muhitdan mas’uliyatli foydalanish madaniyatini shakllantirish maqsadida “Xavfsiz kibermakon” va “Xavfsiz talaba” tashabbuslari doirasida targ‘ibot-tashviqot tadbirlari tashkil etildi.
Tadbirlar davomida talaba-yoshlar bilan profilaktik suhbatlar o‘tkazilib, huquqbuzarlik va jinoyatchilikning salbiy oqibatlari, internet va ijtimoiy tarmoqlardan to‘g‘ri foydalanish, kibermakon xavfsizligi qoidalariga rioya qilish hamda shaxsiy mas’uliyatni kuchaytirish masalalari yuzasidan tushuntirishlar berildi. Shuningdek, ko‘rgazmali bukletlar tarqatilib, talabalar orasida huquqiy bilimlarni oshirish va ongli fuqarolik pozitsiyasini shakllantirishga qaratilgan amaliy tavsiyalar taqdim etildi.
Mazkur tashabbus institutda xavfsiz ta’lim muhiti, huquqiy madaniyat, raqamli xavfsizlik va talaba farovonligini qo‘llab-quvvatlashga qaratilgan tizimli profilaktik ishlarning muhim qismi hisoblanadi. Shu jihatdan, ushbu faoliyat talaba-yoshlarning ijtimoiy mas’uliyatini oshirish, turli xavf-xatarlarning oldini olish va xavfsiz kibermakonda ongli ishtirok etish ko‘nikmalarini mustahkamlashga xizmat qiladi.