Talabalar uchun gigiyenik va xavfsiz yashash muhitini ta’minlash bo‘yicha monitoring
Termiz davlat pedagogika institutida talabalar uchun sog‘lom va xavfsiz yashash muhitini ta’minlash, sanitariya-gigiyena talablariga rioya etilishini nazorat qilish hamda tozalik madaniyatini mustahkamlashga qaratilgan monitoring ishlari amalga oshirildi.
Monitoring davomida talabalar turar joylari, sanitariya-gigiyenik holat, sanitariya shoxobchalari, oshxona va umumiy ovqatlanish joylarining amaldagi me’yorlarga muvofiqligi o‘rganildi. Shuningdek, talabalar uchun sog‘lom va xavfsiz muhit yaratish, gigiyena qoidalariga rioya etilishi va kundalik tozalikni ta’minlash bo‘yicha amalga oshirilayotgan ishlar ko‘rib chiqildi.
Mazkur monitoring talaba-yoshlar salomatligini muhofaza qilish, turar joylarda gigiyenik madaniyatni kuchaytirish, sanitariya sharoitlarini yaxshilash va xavfsiz yashash muhitini qo‘llab-quvvatlashga xizmat qiladi. Shu jihatdan, ushbu faoliyat institutning salomatlik, profilaktika va farovonlikni ta’minlashga qaratilgan tizimli amaliy ishlarining muhim qismi hisoblanadi.