Talaba-qizlar uchun sog‘lom turmush tarzi va reproduktiv salomatlik bo‘yicha davra suhbati

2024-yil mart oyida Termiz davlat pedagogika instituti Boshlang‘ich ta’lim fakultetida “Oliy ta’lim muassasasi xotin-qizlarining oilalarda sog‘lom turmush tarzini shakllantirish, reproduktiv salomatliklarini mustahkamlash” mavzusida davra suhbati tashkil etildi.

Uchrashuvda Termiz shahar tibbiyot birlashmasi sog‘lom turmush tarzi bo‘limi mutaxassislari S. Poyonova va B. Xo‘jayarov, 2-oilaviy poliklinika mutaxassisi Z. Mamadiyarova, institut Xotin-qizlar maslahat kengashi raisi S. Tursunova, profilaktika inspektori T. Xo‘shboqova, fakultet Xotin-qizlar maslahat kengashi raisi S. Niyazova hamda talabalar ishtirok etdilar.

Tadbir davomida talaba-qizlarga sog‘lom turmush tarzini shakllantirish, reproduktiv salomatlikni asrash, profilaktik xabardorlikni oshirish va salomatlikka mas’uliyatli yondashuv bo‘yicha tavsiyalar hamda amaliy maslahatlar berildi. Mazkur davra suhbati talaba-yoshlar, ayniqsa talaba-qizlar orasida salomatlikni asrash, psixologik farovonlikni qo‘llab-quvvatlash va xavfsiz ijtimoiy muhitni mustahkamlashga xizmat qiladi.

Shu jihatdan, ushbu tashabbus institutning talaba-qizlar farovonligi, sog‘lom hayot tarzi va profilaktik qo‘llab-quvvatlashga qaratilgan amaliy faoliyatining muhim qismi hisoblanadi.