Talabalar uchun stressni boshqarish va psixologik farovonlik bo‘yicha treninglar
2024-yil aprel oyida Termiz davlat pedagogika instituti Psixologiya kafedrasi professor-o‘qituvchilari va talabalari tomonidan Toshkent tibbiyot akademiyasi Termiz filiali talabalari uchun stressni boshqarish va uni bartaraf etish bo‘yicha psixologik tadbir tashkil etildi.
Tadbir davomida pedagogika va psixologiya ta’lim yo‘nalishining 3-bosqich talabalari tomonidan stressni aniqlash, emotsional bosimni kamaytirish, psixologik barqarorlikni mustahkamlash va o‘quv jarayonidagi ruhiy yuklamalarni yengillashtirishga qaratilgan turli psixologik treninglar o‘tkazildi. Treninglar bo‘lajak shifokor talabalarning katta qiziqishiga sabab bo‘ldi hamda ishtirokchilarga amaliy psixologik ko‘nikmalarni egallash imkonini berdi.
Mazkur tadbir talaba-yoshlar orasida psixologik farovonlik, stress profilaktikasi, ruhiy salomatlikni qo‘llab-quvvatlash va xavfsiz ta’lim muhitini mustahkamlashga xizmat qiladi. Shu jihatdan, ushbu tashabbus institutning talabalar farovonligi, ruhiy salomatlik va ta’lim muassasalari o‘rtasidagi amaliy hamkorlikni rivojlantirishga qaratilgan ijtimoiy ahamiyatga ega faoliyatining muhim qismi hisoblanadi.