Onkologiya dispanseridagi bolalarni qo‘llab-quvvatlash bo‘yicha xayriya tadbiri

Termiz davlat pedagogika instituti talaba-yoshlari, ko‘ngilli volontyorlar jamoasi hamda Yoshlar ittifoqi boshlang‘ich tashkiloti koordinatorlari ishtirokida Surxondaryo viloyati onkologiya dispanserida davolanayotgan bolalarni ma’naviy va ijtimoiy qo‘llab-quvvatlashga qaratilgan xayriya tadbiri tashkil etildi.

Tadbir davomida volontyor yoshlar turli ertak va multfilm qahramonlari obrazlarida chiqish qilib, bolalar bilan qiziqarli o‘yinlar o‘tkazdilar hamda ular uchun samimiy va quvonchli muhit yaratishga harakat qildilar. Mazkur tashabbus bolalarning ruhiy holatini qo‘llab-quvvatlash, ularga ijobiy emotsional tajriba ulashish va davolanish jarayonida mehr-muruvvat muhitini kuchaytirishga xizmat qildi.

Ushbu xayriya tadbiri institutda volontyorlik, jamoatchilikka xizmat qilish va himoyaga muhtoj guruhlarni qo‘llab-quvvatlash madaniyatini rivojlantirish nuqtai nazaridan muhim ahamiyatga ega. Shu jihatdan, mazkur faoliyat Termiz davlat pedagogika institutining ijtimoiy himoyaga muhtoj bolalarni qo‘llab-quvvatlash, community outreach va amaliy ijtimoiy ta’sirni kuchaytirishga qaratilgan tashabbuslarining muhim qismi hisoblanadi.